Sach Hai Mahaj Sangharsh Hi

Sach hum nahin, sach tum nahin,
Sach hai mahaj sangarsh hi!

Sangarsh se hat kar jiye to kya jiye ki hum ya tum,
Jo nat hua vah mrit hua jyon vrint se jarhkar kusum,

Jo laksya bhool ruka nahin,
Jo haar dekh jhukha nahin,
Jisne pranay pathey maana hai jeet uski hi rhi,
Sach hum nahin, sach tum nahin.

Aisa karo jisse na praanon me kahin jadta rahe,
Jo hai jaha chupchaap apne - aap se ladta rahen,
Jo bhi preesthethiya milen,
kaante chube kaliya khilen
Haaren nhin insaan, hai sandesh jeevan ka yahi,
Sach hum nahin, sach tum nahin,
Sach hai mahaj sangarsh hi!

Humne racha aao humhi ab tod den iss pyaar ko,
Yah kya milan milna bahi jo mod de majhdaar ko,
Jo saath phoolon ke chale,
Jo dhal paate hi dhale,

Wah jindgi kya jindgi, jo sirf paani - si bahe,
Sach hum nahin, sach tum nahin,
Sach hai mahaj sangarsh hi!

Sansaar saara aadmi ki chaal dekh hua chakit,
Par jaakhkar dekho drigon me sabhi hai pyaase thakit,
Jab tak bandhi hai chetna,
Jab tak hridya dukh se ghana,
Tab tak na maanoonga kabhi iss raah ko mai sahi,
Sach hum nahin, sach tum nahin,
Sach hai mahaj sangarsh hi!

Apne hridya ka satya apne aap humkon khojna,
Apne nayan ka neer apne aap humkon poochhna,
Aakaash sukh denga nahin,
Dharti paseeji hai kahin?

Jisse hridya ko bal mile,
Hai dhyay apna to wohi,
Sach hum nahin, sach tum nahin,

Sach hai mahaj sangarsh hi!!                   

-- Dr. Jagdish Gupt